Futbol internazzjonali
UEFA Europa League: Tmin timijiet minn pajjiżi differenti fil-kwartifinali

Konfermati t-tmin timijiet li jagħmluha għall-kwartifinali tal-UEFA Europa League meta tard il-Ħamis filgħaxija tliet timijiet oħra ngħaqdu mal-ħamsa ta’ qabilhom biex il-Ġimgħa jkunu fl-urna tal-poloz. It-tmin timijiet huma kollha minn pajjiżi differenti u għalhekk hemm tim minn Spanja, Franza, il-Ġermanja, l-Italja, il-Portugall, l-Ingilterra, ir-Russja u l-Awstrija.

 

Arsenal 3  Milan 1 (agg. 5-1)

Fl-Emirates Stadium Arsenal għamluha għall-kwartifinali meta għelbu lil Milan bl-iskor ta’ 3-1 wara deċiżjoni pjuttost żbaljata tar-referee fl-ewwel goal tal-Gunners. Milan ħasdu lil Arsenal b’goal fil-35 minuta meta Rodriguez għadda ballun tajjeb lejn Ҫalhanoğlu li b’xutt sabiħ tefa’ fix-xibka għal 1-0. Biss tliet minuti wara, f’deċiżjoni mill-aktar diskutibbli tar-referee, Arsenal ingħataw penalty meta Welbeck waqa’ fil-kaxxa prattikament waħdu imma l-assistent referee għamel sinjal lill-uffiċjal tal-logħba li kien Rodriguez li waqqgħu u allura pponta lejn il-11-il metru minn fejn Welbeck xeħet il-ballun fix-xibka għal 1-1. Fil-71 minuta Arsenal għamlu ċert li se jgħaddu għall-fażi li jmiss meta x-xutt b’saħħtu ta’ Xhaka ra lil Donnarumma jtir minn tulu, itajjar il-ballun li deher idur għal ġox-xibka biex ir-riżultat sar 2-1. Huma komplew jikkonfermaw ir-riżultat fis-86 minuta meta Welbeck għat-tieni darba f’dan il-konfront reġa’ sab ix-xibka u għamilhom 3-1, għal aggregate ta’ 5-1.

 

Lyon 2  CSKA Moscow 3 (agg. 3-3)

Ir-Russi ta’ CSKA Moscow rebħu barra minn darhom għand Lyon bl-iskor ta’ 3-2, biex b’hekk l-aggregate kien dak ta’ 3-3 u CSKA għaddew bir-regola tal-goal away. Kienu CSKA li fetħu l-iskor fid-39 minuta meta Dzagoev qassam lejn Golovin li ppenetra u tefa’ fix-xibka għal 1-0. Il-Franċiżi ġabu d-draw kważi mas-siegħa logħob meta Ferri għadda lejn Cornet li rnexxielu jitfa’ wara l-goalkeeper fix-xibka għal 1-1. Appena kienu għaddew żewġ minuti mill-goal tad-draw ta’ Lyon, li CSKA ma żidux ieħor. Din id-darba kien Nababkin li tefa’ cross mill-isbaħ, b’Musa jikkonkludi għal 2-1. Ir-Russi baqgħu jippressaw u mal-65 minuta Wernbloom sab ix-xibka biex tefagħhom 3-1 minn fuq. Lyon naqqsu d-distakk u daħlu lura fil-logħba fil-71 minuta meta Traoré dendel cross u Diaz mill-viċin għamilhom 3-2.

 

Salzburg 0  Borussia Dortmund 0 (agg. 2-1)

Logħba li prattikament kienet deċiża fl-ewwel leg meta fl-Awstrija t-tim ta’ Salzburg baqgħu draw ta’ 0-0 kontra Borussia Dortmund biex b’hekk għaddew b’aggregate ta’ 2-1.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

Il-maniġer Portugiż ta’ Manchester UTD donnu ma jistax ineħħi l-attenzjoni tal-media minn fuqu. Forsi kultant jagħmilha apposta, inkella jista’ jkun li l-pressjoni tal-aħħar riżultati mar-Red Devils qiegħda tagħmel tagħha. Wara…

Futbol internazzjonali

Għada filgħaxija l-istilla Portugiż Cristiano Ronaldo jerġa’ jirritorna f’Old Trafford, din id-darba mat-tim ta’ Juventus, fil-konfront delikat li l-Juventini għandhom kontra r-Red Devils fil-UEFA Champions League. Żgur illi t-tama ta’…

Futbol internazzjonali

Kellu jkun goal b’daqqa ta’ ras t’Icardi żewġ minuti fuq il-ħin regolamentari li ta t-3 punti lit-tim t’Inter meta fid-derby della Madonnina huma għelbu lil Milan bl-iskor ta’ 1-0. Meta…

Futbol internazzjonali

Futbol internazzjonali: Kampjonat Taljan, Serie A, illum komplew jintlagħbu partiti mid-9 ġurnata. Draw ta’ 3-3 bejn Frosinone u Atalanta fil-partita li ntlagħbet iktar kmieni. Auto goal ta’ SIlvestre tefa’ lil…

Aktar