Futbol internazzjonali
UEFA Europa League: Torino maħsuda minn Wolves

UEFA Europa League

Rawnd ta’ kwalifikazzjoni għall-gruppi

Torino qed jirriskjaw li jiġu eliminati mill-UEFA Europa League meta b’mod sorprendenti tilfu f’darhom kontra Wolves bl-iskor ta’ 3-2.

Kienet l-iktar partita mistennija f’dan ir-rawnd ta’ kwalifikazzjoni għall-fażi tal-gruppi ta’ din il-kompetizzjoni li waslet fi stadju ferm importanti.

Torino ġew maħsuda mit-tim immexxi minn Nuno Espirito Santo tant li sfaw 1-0 minn taħt wara awtogol ta’ Bremer.

Fit-tieni taqsima, Torino naqsu milli jwettqu reazzjoni immedjata u pront qalgħu t-tieni gowl meta Diogo Jota approfitta minn nuqqas fid-difiża avversarja.

Sa fl-aħħar Torino wettqu reazzjoni u skorjaw il-gowl tal-bandiera permezz ta’ Lorenzo De Silvestri fil-61 minuta.

Wolves naqsu milli jimpressjonaw ruħhom u żiedu l-vantaġġ permezz ta’ Raul Jimenez fit-72 minuta sabiex penalty ta’ Andrea Belotti ħalla ftit tama għal Torino għal-logħba li se tintlagħab fil-Molineux Stadium sebat ijiem oħra.

Sorpriża oħra wettquha Trabzonspor tat-Turkija meta marru Ateni u għelbu lil AEK bl-iskor ta’ 3-1.

F’partiti oħra Eintracht Frankfurt iddiżappuntaw u ġew megħluba minn Strasbourg bl-iskor ta’ 1-0 filwaqt li ż-żewġ timijiet Olandiżi Feyenoord u PSV għelbu bl-istess skor ta’ 3-0 lil Hapoel Beer Sheva u Apollon Limassol rispettivament.

Finalment Celtic kisbu rebħa ta’ 2-0 kontra AIK filwaqt li Astana, li eliminaw lil Valletta fir-rawnd ta’ qabel, kisbu rebħa impressjonanti ta’ 3-0 kontra BATE Borisov.

Miktub minn...
robert busuttil
Ġurnalist ta' TVM Sport. Isegwi l-Isport lokali u internazzjonali. JIkkumenta l-logħob tal-kampjonat Premier. Jippreżenta programm sportiv fuq radju tal-komunita'.
Aħbarijiet Oħra
Futbol internazzjonali

Bayern Munich immultaw lid-difensur Jerome Boateng talli ħareġ mill-belt ta’ Munich biex imur jara lil ibnu li jinsab ma jiflaħx. Boateng kiser il-Liġi tal-lockdown li bħalissa hemm fil-Ġermanja. Fi stqarrija,…

Futbol internazzjonali

Il-plejers tal-futbol tal-Premier League għandhom jaqblu dwar tnaqqis fis-salarju. Dan qalu Matt Hancock, is-Segretarju tas-Saħħa fl-Ingilterra. Hancock qal dan fiż-żmien li l-coronavirus waqqaf il-futbol fl-Ewropa kollha u mhux biss fl-Ingilterra….

Futbol internazzjonali

Filwaqt li l-futbol madwar l-Ewropa jinsab wieqaf minħabba l-pandemija tal-coronavirus, ħafna pajjiżi qed jiffukaw li jkomplu l-kampjonati domestiċi tagħhom matul Lulju u Awwissu. Il-UEFA ħeġġet lill-assoċjazzjonijiet membri fi ħdanha sabiex…

Futbol internazzjonali

Il-klabb tal-Premier League Brighton & Hove Albion ħabbar li l-manager u l-ogħla uffiċjali tal-klabb iddeċidew volontarjament li jitnaqqsilhom is-salarju għat-tliet xhur li ġejjin. Il-manager Graham Potter flimkien mad-Deputat Chairman u…

Aktar