Futbol lokali
Uffiċjali: Joseph Mbong se jilbes il-flokk aħmar u iswed ta’ Hamrun Spartans għall-ħames snin li ġejjin

Il-plejer internazzjonali Malti Joseph Mbong, ftit tal-minuti ilu sar plejer ta’ Hamrun Spartans.

Jidher li bejn Hibernians u Hamrun Spartans intlaħaq ftehim dwar iċ-ċifra tat-trasferiment proprju fl-10.15 am meta kien hemm “l-ok” tal-President Tony Bezzina u l-Kumitat Pawlist.

Dan il-ftehim intlaħaq wara t-tielet laqgħa uffiċjali bejn iż-żewġ klabbs.

Hamrun Spartans kienu ilhom li laħqu ftehim mal-plejer għal dawn l-aħħar ġimgħatejn, madankollu, n-neogzjati bejn il-klabbs dwar it-transfer ħadu xi ftit tal-tul aktar milli mistenni.

Jidher li l-ewwel żewġ offerti ma kienux issodisfaw lill-klabb Pawlist.

Iżda l-imprenditur Għawdxi Joseph Portelli, baqa’ jinsisti li jrid lill-plejer akkost ta’ kollox, tant li ddeċieda li jħallas ċifra deskritta, ‘bombastika’, għall-plejer.

Mbong se jkun qed jiffirma ħames snin kuntratt ma’ Hamrun Spartans fil-jiem li ġejjin.

Dan hu t-tieni akkwist ta’ żagħżugħ Maltin internazzjonali għal Hamrun Spartans fi ftit ġimgħat, wara dak ta’ Juan Corbolan mingħand Gżira United.

It-tielet kolp b’saħħtu ta’ Portelli jista’ jkun Matthew Guillaumier ta’ Birkirkara jekk tintlaħaq liċ-ċifra mitluba.

Jidher ukoll li Hamrun Spartans interessati fiż-żagħżugħ ta’ Sliema Wanderers, Kurt Shaw. Mhux eskluż li dan it-transfer jingħalaq ukoll fil-jiem li ġejjin.

Miktub minn...
TVM Sport
Aħbarijiet Oħra
Futbol lokali

Valletta kontra Birkirkara hija l-iktar logħba attraenti tal-ewwel ġurnata tal-kampjonat BOV Premier tal-istaġun 2020/21 li se jibda fil-11 ta’ Settembru. Fl-ewwel ġurnata ċ-Champions renjanti Floriana jaffrontaw lil Gżira United. Dan…

Futbol lokali

Il-marka ikonika Nestlé Ice Cream se tkun il-platinum sponsor tal-Malta Beach Soccer Association (MBSA) għas-snin 2020-2023.  Dan tħabbar minn Nectar Ltd, distributur esklussiv u rappreżentant tal-marka Nestlé Ice Cream f’Malta,…

Aktar