International Sports
Uffiċjali: L-Olimpjadi 2020 ta’ Tokjo jitmexxew għall-2021

L-Olimpjadi 2020 li kellhom jibdew fl-24 ta’ Lulju li ġej f’Tokjo, issa mxew għall-2021.

Iktar kmieni, il-Prim Ministru tal-Ġappun Shinzo Abe kien għamel din it-talba lil Thomas Bach, President tal-Kumitat Olimpiku Internazzjonali.

Il-Ministru Olimpiku tal-Ġappun kienet qalet ukoll qalet li biex l-Olimpjadi jibdew u jsiru b’mod normali hemm bżonn li d-dinja twaqqaf l-imxija tal-coronavirus.

Seiko Hashimoto kienet qalet li qed tistenna lill-Kumitat Olimpiku Internazzjonali jisma’ l-karba tal-atleti minn madwar id-dinja li se jkunu qed jieħdu sehem fl-Olimpjadi ta’ Tokjo.

Il-Kumitat Olimpiku Internazzjonali kellu laqgħa ta’ emerġenza l-Ħadd li għadda li fih iddiskuta l-possibbiltà li l-Olimpjadi jiġu posposti għas-sajf li ġej.

Il-Gvern Ġappuniż u l-Kumitat Olimpiku Internazzjonali ffaċċjaw pressjoni kbira fl-aħħar jiem minn diversi atleti minn madwar id-dinja biex il-Logħb ma jibdewx fl-24 ta’ Lulju li ġej kif kien skedat.

Miktub minn...
TVM Sport