Sports Internazzjonali
US Open: Bianca Andreescu tegħleb lil Serena Williams biex tieħu t-titlu tan-nisa
Williams terga' tfalli fit-tentattiv ta' rekord ta' suċċessi Grand Slam

It-teenager Bianca Andreescu ħasdet lil Serena Williams f’finali eċċitanti tas-single tan-nisa fl-Open tal-Istati Uniti biex rebħet l-ewwel titlu Grand Slam tagħha u ċċaħħad lill-Amerikana  minn rekord ta’ erbgħa u għoxrin suċċess ewlieni fil-karriera.

Williams li għandha 37 sena ma setgħetx tlaħħaq mal-kwalita’ tal-Kanadiża ta’ 19-il sena f’telfa ta’ 6-3 7-5.

Andreescu li kienet il-15-il seed u kkompetiet fil-main draw fi New York għall-ewwel darba, tilfet double break fit-tieni set qabel ħadet it-tielet match point u ntefgħet mal-art donnha mhix temmen x’ġara. Aktar tard qalet lil folla li din is-sena kienet ħolma li saret realtà għaliha.

Għad-diżappunt tal-partitarji tagħha, Serena Williams issa tilfet erba’ finali Grand Slam wara xulxin biex baqgħet ma laħqitx ir-rekord ta’ 24 titlu ta’ Margaret Court.

Il-lejl li ġej intant il-finali tas-singles bejn Daniil Medvedev tar-Russja u l-Ispanjol Rafael Nadal.

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Sports Internazzjonali

Spanja huma r-rebbieħa tal-kompetizzjoni EURO Futsal Under 19 meta fil-belt kapitali tal-Latvja Riga huma għelbu lil Kroazja bl-iskor konvinċenti ta’ 6-1. Kien hemm atmosfera ferm sabiħa fil-Padiljun Sportiv ta’ Riga…

Tennis

Matthew Asciak u Matthew Cassar Toreggiani llum wara nofsinhar jiltaqgħu fil-finali tas-singles tal-irġiel fl-Open Tournamentt organizzat minn Birkirkara Tennis Club. Fis-semifinali tal-bieraħ Asciak għeleb lil Denzil Agius 6-1, 6-2, waqt…

Sports Internazzjonali

L-Italja kellhom bidu tal-ħolm fil-kampjonat Ewropew tal-volleyball tal-irġiel meta ftit sabu diffikulta’ sabiex għelbu lill-Portugall bl-iskor ta’ 3-0. It-tim immexxi minn Gianlorenzo Blengini rebaħ din il-logħba bi tliet sets konsekuttivi…

Sports Internazzjonali

Il-president ta’ Real Madrid Florentino Perez jixtieq idaħħal lit-tim tal-baskitbol fil-kampjonat NBA Amerikan. Hu fatt magħruf li Perez mhux biss għandu lit-tim tal-futbol rinomat Spanjol iżda wkoll klabb tal-baskitbol bl-istess…

Aktar