Sports Internazzjonali
US Open – Djokovic kontra Del Potro fil-finali

Novak Djokovic ser ikun qiegħed jiltaqa’ ma’ Juan Martin del Potro fil-finali ta’ dan il-Grand Slam meta rnexxielu jegħleb lil Kei Nishikori 6-3, 6-4, 6-2. Matul il-logħba, iċ-ċampjin ta’ Wimbeldon ta’ din is-sena, Djokovic, ma tax nifs lil Nishikori biex b’hekk wasal għat-tmien finali tiegħu fi Flushing Meadows, kif ukoll irnexxielu jirrimedja għat-telfa kontra l-istess Ġappuniż fl-2014 fuq l-istess court. Wara li Djokovic irnexxielu jasal għat-tieni finali tiegħu konsekuttiva fi Grand Slam din is-sena, ifisser li bil-mod il-mod is-Serb ġej lura fl-aqwa tiegħu, għalkemm issa jrid joqgħod b’sebat elef għajn kontra l-Arġentin.

Min-naħa tiegħu Juan Martin del Potro kellu semifinali pjuttost sorprendenti meta fit-tieni set, iċ-ċampjin renjanti Rafael Nadal kellu jirtira minħabba uġiegħ f’irkopptu. Kienet evidenti l-frustrazzjoni fuq wiċċ Nadal sa mill-bidu tas-semifinali, u għalkemm prova jippersevera kontra l-Arġentin, ma felaħx aktar tant li kellu jirtira. L-ewwel set kien mirbuħ minn Del Potro 7-6, u filwaqt li t-tieni set spiċċa 6-2 favur l-Arġentin, Nadal deher ineħħi l-faxxa minn ma’ rasu u jgħid li ma jistax ikompli. Għal Juan Martin del Potro din ser tkun it-tieni finali fi Flushing Meadows wara li kien rebaħ il-US Open lura għall-2009.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Formula 1

Is-sewwieqa Ġermaniza tal-Formula 3, Sophia Floersch, weġġgħet serjament ix-xewka ta’ dahrha wara inċident ikrah waqt il-Grand Prix famuż ta’ Macau. Is-sewwieqa tat-tim Van Amersfoort, tilfet il-kontroll tal-karozza hi u diehla…

Sports Internazzjonali

Iċ-Ċek Martin Sonka rnexxielu jirbaħ l-ewwel titlu tiegħu fir-Red Bull Air Race World Championship, b’rebħa drammatika lbieraħ. Fit-Texas Motor Speedway, Sonka beda tmiem il-ġimgħa f’taqtiegħa ma’ tnejn oħra għat-titlu, meta…

Sports Internazzjonali

UEFA NATIONS LEAGUE // GRUPP 4 INGILTERRA 2 – KROAZJA 1 UEFA Nations League A Grupp 4 L-Ingilterra rebħu lil Kroazja 2-1 biex pattew xi ftit mid-diżapunt li kienu soffrew…

Formula 1

Dan huwa l-verdett tas-sewwieq tal-Force India, Sergio Perez, li skontu l-isport tal-Formula 1 m’għadux attreanti kif kien meta hu kien għadu żagħżugħ. Skont Perez, wara l-aħħar tellieqa tal-istaġun, l-isport tal-Formula…

Aktar