Futbol lokali
Valletta jsalvaw punt fl-94 minuta fid-derby kontra Floriana

KAMPJONAT BOV PREMIER 2019/20

VALLETTA FC……….1

FLORIANA FC………1

Quddiem folla ta’ madwar 3,800 spettatur ir-rivali Valletta u Floriana ħadu punt kull wieħed hekk kif il-Beltin ġabu l-goal tad-draw fl-aħħar sekondi qabel it-tisfira finali.

Wara 4 minuti logħob xutt fil-baxx ta’ Yuri Messias salva l-goalkeeper Ini Akpan, ftit wara Floriana wieġbu b’xutt bid-dawra ta’ Kristian Keqi li spiċċa barra. Fis-7 minuta daqqa ta’ ras ta’ Irakli Dzaria u difiża Furjaniża jsalva f’korner. Fl-20 minuta free-kick għal Valletta li ngħata minn Yuri Messias spiċċa barra. Fit-28 minuta xutt angulat fil-baxx ta’ Diego Venancio bil-ballun jgħaddi ftit barra mil-lasti ta’ Henry Bonello.

Mal-ftuh tat-tieni taqsima Floriana marru fil-vantaġġ, kien id-difensur Belti Steve Borg li waqqa’ lil Kristian Keqi fil-kaxxa u l-istess player mill-11 -il metru għeleb lil Henry Bonello. Fil-55 minuti x-xutt fil-baxx ta’ Kevin Tulimieri kien salvat tajjeb minn Akpan. Fid-69 minuta attakk ieħor ta’ Valletta jispiċċa bix-xutt finali ta’ Irakli Dzaria jispiċċa barra. Lejn l-aħħar ħinijiet tal-logħba Valletta tefgħu kollox fuq l-attakk sabiex huma kisbu l-gowl ta’ draw propju fl-94 minuta, wara korner mogħti minn Kevin Tulimieri qamet taħwida taħt il-lasti furjaniża biex finalment kien Enmy Pena Beltre li tefa’ l-ballun ġewwa anke meta l-ballun deher imiss ma’ difensur qabel daħal ġewwa.

Riżultat finali: Valletta 1 v Floriana 1.

Referee: Matthew Degabriele.

BOV Player tal-partita: Kristian Keqi (Floriana FC )

 

Miktub minn...
TVM Sport
.
Aħbarijiet Oħra
Futbol lokali

Il-Kumitat tal-Club tal-Football ta’ Qrendi illum għamilha ċara u ċaħad xnigħat li qed jidhru fil-midja soċjali, li  mhuwiex minnu li ma riedx ikun promoss fil-Kampjonat Premier. Fi stqarraija l-Club qal…

Futbol lokali

Floriana huma champions tal-football Malti wara vot fil-kunsill tal-MFA: u b’votazzjoni separata Tarxien Rainbows se jżommu posthom fil-Kampjonat BOV Premier li l-istaġun li ġej se jkollu sittax-il team. Nadur Youngsters…

Futbol lokali

Il-Kunsill tal-MFA ivvota wkoll favur it-tielet mozzjoni li kien hemm fil-ġurnata u biha Nadur Youngsters FC saru Champions tal-futbol Għawdxi. 55 vot kienu favur din il-mozzjoni, erbgħa kienu kontra u…

Futbol lokali

Floriana FC huma ċ-Champions il-ġodda tal-futbol Malti. Id-deċiżjoni ttieħdet ftit tas-sekondi ilu mill-Kunsill tal-Malta Football Association. Il-voti ntefgħu hekk: 47 favur il-klassifiċi preżenti, 18 kontra, u astjenew 10 persuni. Dan…

Aktar