Futbol lokali
FILMAT: Valletta lura għar-rebħ

KAMPJONAT BOV PREMIER  2019/2020

Valletta FC………….1

Senglea Athletic…..0

Valletta kisbu rebħa minima iżda prezzjuża meta għelbu lil Senglea Athletic bl-iskor ta’ 1-0 sabiex telgħu temporanjament fit-tielet post tal-klassifika.

Valletta riedu t-tliet punti akkost ta’ kollox sabiex jibqgħu jittamaw li jżommu t-titlu li rebħu b’mod drammatiku fl-istaġun li għadda. It-tim mill-kapitali ma kienx għaddej minn żmien daqshekk feliċi hekk kif naqsu milli jiksbu it-tliet punti f’konfronti li fuq il-karta dehru faċli. Hekk ġara fil-logħba tal-ġimgħa l-oħra kontra Sirens li spiċċat fi dro ta’ 0-0.

Senglea Athletic kienu għadhom ġejjin minn rimonta tajba kontra Balzan meta kisbu dro drammatiku fl-aħħar minuti tal-logħba.

Il-kowċ ta’ Valletta Darren Abdilla lagħab metodu offensiv ta’ 3-4-3 filwaqt li Mario Muscat ta’ Senglea Athletic ħejja formazzjoni konservattiva ta’ 4-3-2-1 b’Wilfried Zamble l-uniku attakkant.

Kienu Valletta li fetħu tajjeb u fit-13-il minuta xutt ta’ Enmy Pena Beltre impenja lill-keeper ta’ Senglea Matthew Farrugia.

Fis-26 minuta lob tajjeb ta’ Rowen Muscat għal daqsxejn ma qarraqx lil Farrugia.

Valletta marru fil-vantaġġ fit-28 minuta meta wara kross mil-lemin, kien Matteo Picciollo li bir-ras għeleb lil Farrugia.

Senglea dehru għall-ewwel darba lejn il-lasti ta’ Henry Bonello meta wara kross mix-xellug, kien Dejan Debono li sab lill-gowlkiper Belti attent.

Bl-ewwel taqsima tagħlaq b’Valletta 1-0 minn fuq.

Fit-tieni taqsima kienu Senglea li ttantaw xortihom eżattament fit-58 minuta meta Zamble għadda lejn David Xuereb li spara għoli.

Fl-74 minuta kellna ġirja tajba ta’ Kyrian Nwoko li spiċċat bix-xutt tiegħu jispiċċa għoli.

Fis-77 minuta azzjoni tajba ta’ Mario Fontanella li wara li qabeż difensur ixxuttja tajjeb b’Farrugia jilqa’ b’mod impekkabbli.

Fid-89 minuta kien il-gowlkiper Henry Bonello li salva b’mod verament tajjeb frikik b’saħħtu ta’ Jose Wilkson.

B’hekk il-Beltin kisbu l-ħames rebħa staġjonali li biha jistgħu jkomplu jisfidaw għar-rebħ tal-kampjonat.

VALLETTA Henry Bonello, Jonathan Caruana, Steve Borg, Matteo Piciollo (Nicholas Pulis 83 min), Kyrian Nwoko (Bojan Kaljevic 79 min), Jean Borg, Enmy Pena Beltre, Joseph Zerafa, Rowen Muscat, Irakli Dzaria, Mario Fontanella (Shaun Dimech 90 min).

SENGLEA Matthew Farrugia, Sigitas Olberkis, Dejan Debono (Jan Tanti 76 min), Elvis Sakyi,, Leighton Grech (Jose Wilkson 59 min), Manolito Micallef, Sean Cipriott (Sean Cipriott 67 min), Wilfried Zamble, , Anderson do Nascimento Carneiro, David Xuereb, Marcelo Dias.

Skorja: Matteo Piciollo 28 min (V)

BOV Plejer tal-Logħba kien Matteo Picciollo ta’ Valletta.

Referì: Trustin Farrugia Cann.

Miktub minn...
robert busuttil
Ġurnalist ta' TVM Sport. Isegwi l-Isport lokali u internazzjonali. JIkkumenta l-logħob tal-kampjonat Premier. Jippreżenta programm sportiv fuq radju tal-komunita'.
Aħbarijiet Oħra
Futbol lokali

KAMPJONAT BOV PREMIER 2019/20 Senglea A…..2 St Lucia……..5 L-ewwel azzjoni tal-partita tara lil Santa Lucia imorru fil-vantaġġ meta freekick ta’ Jamie Zerafa bil-ballun fuq ras Bohrer li tefa’ lejn Corriea…

Futbol lokali

KAMPJONAT BOV PREMIER Birkirkara …………………2 Hibernians…………………1 Birkirkara komplew bir-riżultati pożittivi tagħhom meta f’logħba ferm mistennija huma għelbu lil Hibernians bl-iskor ta’ 2-1. Birkirkara kien għadhom kemm ġabru 14-il punt fl-aħħar…

Futbol lokali

Kampjonat BOV Premier 2019/20 Gudja….0 Balzan…2 Balzan jitilgħu jokkupaw is-7 post tal-klassifika hekk kif irnexxilhom jirbħu lit-team ta’ Gudja. L-ewwel azzjoni tal-partita tasal mas-6 minuti logħob meta pass ta’ Winchester…

Futbol lokali

KAMPJONAT BOV PREMIER 2019/20 Mosta……..2 Ħamrun S…1 Fl-ewwel logħba tas-Sibt fl-Istadium Nazzjonali, Mosta għelbu lil Ħamrun Spartans 2-1, biex b’hekk ħadu rebħa wara żewġ telfiet konsekuttivi. Għal Ciaramella din kienet…

Aktar