Formula 1
Vettel jista’ ma jiġġeddidlux il-kuntratt mal-Ferrari jekk ma jirbaħx l-istaġun li ġej
 Is-sewwieq Ġermaniż tal-Ferrari Sebastian Vettel jista’ jkun ser itellaq l-aħħar staġun mat-tim tal-Ferrari jekk kemm-il darba ma jirbaħx l-istaġun li ġej. Għat-tieni sena konsekuttiva Vettel ra l-kampjonat jaħrablu minn idejh, u tellieqa waħda wara l-oħra ra l-ħolma tisfaxxa fix-xejn.
Il-pressjoni fuq il-Ġermaniż kompliet tiżdied matul din il-ġimgħa meta hu mistenni li fil-Grand Prix t’Austin, l-Istati Uniti, li se jsir fi tmiem din il-ġimgħa, Lewis Hamilton ikun ikkonfermat bħala l-ħames darbiet ċampjin tal-Formula 1. Skont La Gazzetta dello Sport, it-tim tal-Ferrari niżżlu klawsola fil-kuntratt ta’ Vettel li permezz tagħha jistgħu jinħallu mill-obbligi tagħhom lejn il-Ġermaniż. Skont l-istess gazzetta, fil-mument Vettel jinsab maqtugħ waħdu fit-tim tal-Ferrari, fejn qiegħed ikompli jitlef is-sapport minn Maranello.
Tant il-pressjoni kompliet tikber fuq Sebastian Vettel, li saħansitra r-rivali tiegħu Hamilton ħass li kellu jikkumenta u qal li l-media għandha turi aktar rispett lejn is-sewwieq tal-Ferrari. Qal li ħadd ma’ jista’ jimmaġina kemm hija diffiċli li tkun fil-karozza ttellaq, u bħala umani kollha suġġetti għall-iżball. Fl-aħħar jiem, Maurizio Arrivabene li jmexxi lit-tim Ferrari, ħareġ jissapportja lil Vettel u qal li għalkemm dan l-istaġun mhux ser jispiċċa kif xtaqu huma, biss iridu jibqgħu maqgħudin sabiex jirbħu u jitilfu lkoll flimkien.
Vettel irnexxielu jirbaħ erba’ staġuni wara xulxin fil-Formula 1 bejn l-2010 u l-2013 meta kien mar-Red Bull, biss imbagħad ma rnexxilux jirreplika l-istess forma mal-Ferrari.
Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Formula 1

Matul tmiem din il-ġimgħa ser issir il-Grand Prix tal-Ażerbajġan, bil-provi matul illum u għada, filwaqt li għada jsiru wkoll il-provi uffiċjali għall-Pole Position. Dan huwa wieħed mill-aktar ċirkwiti veloċi tal-Formula…

Formula 1

Ser ikunu tliet timijiet tal-Formula 1 li ser jipprovdu l-karozzi tagħhom lill-kumpanija Pirelli sabiex jippruvaw t-tures 18-inch għall-istaġun 2021. Skont Mario Isola, wieħed mid-diretturi tal-Pirelli, “jekk kollox imur kif ippjanat,…

Formula 1

Il-bidu eċċezzjonali li kellhom il-Mercedes f’dan l-istaġun tal-Formula 1 mhuwiex biżżejjed sabiex jikkonvinċi lil Lewis Hamilton li għal darb’oħra t-tim Ġermaniż jista’ jirbaħ il-kampjonat tal-kostrutturi. Skont il-Brittaniku, l-istaġun għadu fil-bidu…

Formula 1

Il-Brittaniku tal-Mercedes Lewis Hamilton rebaħ il-Grand Prix taċ-Ċina li sar f’Shangai dalgħodu, Grand Prix li kien l-elf wieħed fl-istorja tal-Formula 1. Hamilton qabeż lil Bottas li kellu l-Pole u qatt…

Aktar