Victoria Hotspurs jirbħu n-Knockout fuq Għajnsielem
Double ta' suċċessi għal Victoria Hotspurs

Iċ-champions il-ġodda tal-football Għawdxi Victoria Hotspurs rebħu wkoll in-knockout tal-ewwel diviżjoni tal-GFA meta f’finali missielta fil-Gozo Stadium għelbu lil Għajnsielem 3-1.

Għajnsielem setgħu fetħu l-iskor wara biss 6 minuti meta De Melo Lima twaqqa’ fil-kaxxa minn Sowatey: imma l-goalkeeper tal-Hotspurs Parnis salva x-xutt mill-11-il metru ta’ Joseph George Vella: u għalkemm mir-rebound Oularbi tefa’ fix-xibka, ir-referee Sandro Spiteri ħassar il-goal għax il-player kien daħal fil-kaxxa qabel ingħata l-penalty. Għajnsielem xorta marru fil-vantaġġ fid-29 minuta b’xutt sabiħ ta’ Marco Antonio Morgon Filho: biex l-ewwel taqsima għalqet 1-0.

Ir-Rabtin żiedu l-isforzi wara l-mistrieħ b’danakollu u ġabu d-draw fis-66 minuta minn Chris Camilleri wara azzjoni ta’ Elton da Silva. Hotspurs minn fuq 10 minuti wara b’lob ta’ Christian Mercieca mill-kross ta’ Lombas. Tliet minuti mit-tmiem wasal it-tielet goal: b’Għajnsielem fuq l-attakk, Elton da Silva ħarab u għeleb l-offside imma xxuttja mal-lasta: biex mir-rebound Christian Mercieca għadda lill-istess da Silva li skorja minn pożizzjoni ċara ta’ offside: fost protesti kbar minn Għajnsielem li kellhom anke lill-captain Kenneth Mercieca mkeċċi.

Fi tmiem il-partita l-President tal-Gozo Football Association Samuel Azzopardi ppreżenta t-tazza tan-Knockout lir-rebbieħa fost iċ-ċelebrazzjonijiet tal-players, diriġenti u partitarji ta’ Victoria Hotspurs li rebħu dan l-unur għall-ewwel darba fil-ħames edizzjoni tiegħu.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Tennis

Suċċess għal Helen Pellicano fid-doubles taż-żgħażagħ fl-Open tal-Awstralja meta fil-logħba kontra Fernandez u Woods irnexxielha tirbaħ b’żewġ sets għal xejn. Pellicano kienet flimkien mal-Ispanjola Custic u bejniethom irnexxielhom ixejnu l-isfida…

Futbol internazzjonali

Il-logħba tal-bieraħ filgħaxija bejn Napoli u Lazio ma kienet xejn feliċi għall-plejer Francesco Acerbi, għax mhux talli t-tim tiegħu kien fuq in-naħa telliefa, imma hu spiċċa mkeċċi fl-aħħar 20 minuta…

Tennis

Fl-Open tal-Awstralja, mil-lum beda jintlagħab ir-Round tas-16, fejn fis-sezzjoni tan-nisa l-Ukrena Svitolina għelbet lill-Amerikana Keys b’żewġ seta għal wieħed. Svitolina rebħet l-ewwel sett 6-2, b’Keys tirbaħ it-tieni 6-1. Fis-sett deċiżiv…

Futbol internazzjonali

Fl-Istadio San Paolo, ilbieraħ filgħaxija, Napoli għelbu lil-Lazio bl-iskor ta’ 2-1, biex b’hekk żammew il-pass xi ftit ma’ Juventus li jilagħbu llejla. Napoli kellhom l-ewwel taqsima sodisfaċenti ħafna, tant li…

Aktar