Viżjoni ċara u b’saħħitha riflessa fl-AGM tat-Team tal-Futsal tal-Universita

Wara staġun diffiċli, li ra lit-tim Universitarju jbati biex jadatta għal-format il-ġdid tal-kampjonat organizzat mill-FMA, il-University Futsal Team, proġett konġunt tal-Malta University Sports Club (MUSC) u l-Kunsill Studenti Universitarji (KSU), li jilgħab taħt l-isem tal-Mdina Knights FC, sejjaħ il-Laqgħa Ġenerali Annwali tiegħu s-Sibt 14 ta’ Mejju fil-Common Room tal-Università ta’ Malta. Din il-laqgħa kkonkludiet l-istaġun 2015/16 u nediet dak li jmiss.

Il-Kumitat uxxenti ppreżenta r-rapporti Amministrattivi tiegħu lil membri preżenti, u spjega fid-dettall it-titjieb sostanzjali li sar fuq diversi lati; kemm dak amministrattiv, ta’ branding kif ukoll fuq l-istrutturi tal-klabb li saru aktar professjonali.

Il-klabb laħaq aktar studenti Universitarji u partitarji tal-futsal permezz ta’ kampanji professjonali ta’ ‘marketing’ u avvenimenti innovattivi. Il-bilanċ pożittiv li ġie muri fir-rapport finanzjarju kien xhieda tal-ħidma kontinwa tal-Kumitat Eżekuttiv biex isib sponsors ġodda.

Fil-laqgħa kien hemm diskussjoni interessanti dwar il-futur tal-klabb, fejn il-membri li attendew ddiskutew diversi emendi statutorji li kellhom l-għan ewlieni li jilħqu bilanċ aħjar bejn ir-rapprezentanza tal-korp studentesk u l-flessibilita’ tad-diriġenza tal-klabb fejn tidħol ir-reġistrazzjoni ta’ plejers li ġejjin minn barra l-Università. Il-Laqgħa ġiet konkluża bl-elezzjoni tal-kumitat għall-istaġun 2016/2017.

Il-Kumitat għall-istaġun 2016/17 se jkun kompost minn :

President: Stefan Cutajar
Viċi-President: Luca Caruana
Segretarju Ġenerali: Ayrton Saffrett
Teżorier: Martina Camilleri
Uffiċjal għar-Relazzjonijiet Pubbliċi (PRO): Jasmine Agius
Events Manager: Nicholas Martinelli
External Officer: Nicole Agius
Sales and Marketing Manager: Daniel Balzan
Team Manager: Jurgen D’Amato

Sadanittant, Kyle Sultana kien ikkonfermat bħala Head Coach.

Il-kumitat uxxenti tenna li l-klabb għandu ħafna fejn jikber u jimraħ, u għalkemm dan l-istaġun ra lit-tim Universitarju jfalli bi sbrixx milli jassigura postu fil-playoffs tal-Ewwel Diviżjoni, hemm ottimiżmu kbir wara serje ta’ riżultati pożittivi fl-aħħar rawnd tal-kampjonat. Il-Klabb huwa kommess li jkomplu dan il-proġett li jiffoka fuq il-lat olistiku tal-isport, fejn qed isir ħafna xogħol biex tinbena komunita’ u mhux dipendenza fuq ftit individwi. It-tim se jkomplu jirrapreżenta lill-Università bl-aktar mod professjonali u konsistenti possibbli.

Miktub minn...
Rodney Vassallo
Aħbarijiet Oħra
Futbol lokali

Hamrun Spartans kontra Valletta hi partita li tqanqal memorji kbar għal dawk li jiftakru s-Snin ’80. Il-partita ta’ għada fl-istadium nazzjonali, f’Ta’ Qali, mhux eċċezzjoni. It-tensjoni fit-toroq tal-Ħamrun u tal-Belt…

Futbol lokali

Bejn illejla u għada tintlagħab l-aħħar ġurnata tal-Kampjonat BOV Premier bi programm ta’ seba’ logħbiet, b’erbgħa jintlagħbu llejla u tlieta jintlagħbu għada. Kif tista’ tkun id-dinamika tal-aħħar ġurnata tal-istaġun? Min…

Futbol lokali

Ftit sigħat qabel l-aħħar partita tal-Kampjonat BOV Premier 2018/19, it-tmien kowċis tal-erba’ partiti kruċjali li se jiddeterminaw min jirbaħ it-titlu, min jispiċċa fir-raba’ post u min jiġi relegat, tkellmu u…

Futbol lokali

Birkirkara huma ċ-champions tal-football lokali tan-nisa għat-tielet staġun konsekuttiv wara li bi draw ma’ Hibernians żammew vantaġġ li bih ma jistgħux jintlaħqu iżjed fil-quċċata tal-klassifika. Fil-partita tal-bieraħ fis-Centenary Stadium, it-tfajliet…

Aktar