Waterpolo
Waterpolo: Birżebbuġa fil-finali tal-kompetizzjoni KO tal-ewwel diviżjoni wara rebħa fuq Valletta

Fil-Pixxina nazzjonali f’tal Qroqq Birżebbuġa Freeport għelbu lil Valletta Videoslots bl-iscore ta’ 12-11 fis-semifinali ta l-1 Div tan KO. Partita li bdiet bilanċjata fl-ewwel żewġ sessjonijiet madankollu B’bugia ddominawa t-tielet sessjoni meta rebħuha 5-2 u l-aħħar sessjoni tispiċċa 2-1 favur Valletta.

L-aqwa scorers kienu Antonio Petkovic u Antun Goreta – iż-żewġ barranin ta’ Birżebbuġa b’ħames gowls kull wieħed fil-partita. Birżebbbuġa issa jiltaqgħu kontra M’scala fil-finali tan-KO nhar il-Ħadd 25ta’ Awwissu.

Minn naħa l-oħra r-rebħa ta’ Sliema il-bieraħ fuq Sirens bl-iscore ta’ 14-7 fis-semifinali tan-KO tal-Kampjonat Premier tlaqqa’ fil-finali ukoll nhar il-25 ta’ Awwissu lil Neptunes jew M’Xlokk – skond minn jirbaħ illejla bejnithom. Partita li tibda fis-7 ta’ filgħaxija fil-Pixxina Nazzjonali.

 

Miktub minn...
TVM Sport
.