Waterpolo
Waterpolo – Għada jkun deċiż min ser jirbaħ il-kampjonat tas-sajf

Ser tkun it-tielet u l-aħħar play-off li tiddeċiedi min ser jirbaħ il-kampjonat tas-sajf bejn Neptunes Leo Vegas u San Ġiljan Tum Invest wara li l-Ġimgħa filgħaxija, kienu l-Ġiljaniżi li rebħu t-tieni play-off fil-ħin barrani. L-ewwel sessjoni rebħuha n-Neptunes bl-iskor ta’ 3-1, bit-tieni u t-tielet sessjoni jispiċċaw fi draw, 1-1 u 2-2 rispettivament. Ir-raba’ sessjoni kienet mirbuħa minn San Ġiljan bl-iskor ta’ 3-1 biex b’hekk ir-riżultat kien ta’ 7-7 u l-logħba kellha tmur għall-ħin barrani. Fl-ewwel sessjoni tal-ħin barrani ż-żewġ timijiet skurjaw gowl kull wieħed biex l-iskor parzjali kien ta’ 8-8, imma fis-sitt u l-aħħar sessjoni, San Ġiljan Tum Invest irnexxielhom jiskurjaw il-gowl tar-rebħa biex b’hekk ħarġu rebbieħa 9-8. L-aqwa skorers għal Neptunes kienu l-captain Niki Lanzon, Gabriel Pace u Stevie Camilleri b’żewġ gowls kull wieħed, filwaqt li għal San Ġiljan Andreas Galea rnexxielu jsib ix-xibka tliet darbiet. Il-logħba kienet ikkontrollata mir-referees Mario Dalli u Luca Bianco.

Aktar kmieni, fit-tieni play-off għat-tielet u r-raba’ post tal-istess kampjonat, Sliema Frank Salt għelbu lil Sirens Greentube bil-punteġġ ta’ 13 bi 8. Sliema rebħu l-ewwel tliet sessjonijiet, 4-1, 3-2 u 5-3 biex pjuttost kellhom vantaġġ komdu sakemm daħlu fir-raba’ u l-aħħar sessjoni. Sirens irnexxielhom jirbħu r-raba’ sessjoni 2-1, fejn l-aqwa skorers għalihom kienu Isaiah Riolo u John Brownrigg b’2 gowls kull wieħed, filwaqt li għal Sliema Jerome Gabarretta skorja 4. Il-logħba kienet ikkontrollata minn Ronnie Spiteri u Gianluca Centineo.

Fit-tieni play-off tal-Kampjonat tal-Ewwel Diviżjoni, rebħa minima għal Marsaxlokk Browns fuq Birżebbuġa Freeport bil-punteġġ ta’ 11-10, f’logħba li wkoll marret fil-ħin barrani. L-ewwel sessjoni ntrebħet minn Birżebbuġa 5-3, bit-tieni waħda tispiċċa fi draw ta’ 1-1. It-tielet sessjoni kienet mirbuħa minn Marsaxlokk 2-0 u r-raba’ sessjoni spiċċat fi draw ta’ 3-3. B’hekk ir-riżultat kien ta’ 9-9 u fil-ħin barrani Marsaxlokk irnexxilhom ikunu gowl fl-ewwel sessjoni meta rebħuha 2-1, filwaqt li fl-aħħar sessjoni ma ġie skurjat l-ebda gowl għal riżultat finali ta’ 11-10. L-aqwa skorer għal Birżebbuġa kien David Cutajar li skorja tlieta, filwaqt li għal Marsaxlokk Norbert Hosnyyanszky skorja sitta. Il-logħba kienet ikkontrollata minn Massimo Angileri u Luca Bianco.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Waterpolo

It-tim Malti lbieraħ sofra telfa kbira kontra l-Ġermanja, 23-9. Din kienet it-tieni telfa tat-tim Malti fl-Europa Cup Qualification Round 2 wara li fl-ewwel logħba Malta tilfet kontra r-Russja. Il-Maltin bdew…

Waterpolo

It-tim nazzjonali Malti tal-waterpolo jinsab il-Ġermanja fejn it-Tlieta se jilgħab it-tieni logħba mill-fażi ta’ kwalifikazzjoni tal-League Europa Cup kontra l-Ġermanja, wara t-telfa kontra r-Russja fl-ewwel logħba fil-pixxina nazzjonali. Għal din…

Waterpolo

Marsaxlokk iffirmaw barrani ġdid. Il-plejer hu Ivan Nagaev, Russu ta’ 25 sena. Nagaev kien parti mit-tim nazzjonali tar-Russja fil-Kampjonat Mondjali tal-waterpolo tal-2015.

Waterpolo

Partita waħda llum mill-World Europa League, it-tim nazzjonali Malti fil-Pixxina Nazzjonali f’Tal-Qroqq isofri telfa ta’ 18 għal 5 kontra Russja. Is-sessjonijiet bit-tim nazzjonali Malti l-ewwel intemmu 1-2, 2-5, 2-3 u…

Aktar