Waterpolo
Waterpolo: Il-Ħadd kontra l-Islovakkja mingħajr Dino Zammit

It-Tliet logħbiet iebsa fil-Grupp kontra Spanja, l-Montenegro u Franza ġew u għaddew u issa l-attenzjoni ddur fuq l-aħħar żewġ logħbiet ta’ dan il-kampjonat Ewropew tal-LEN.

L-Għada tat-telfa ta’ 12-6 kontra Franza it-team Nazzjonali kellu sessjoni ta’ recovery is-Sibt filgħodu u sessjoni oħra filgħaxija fejn il-kowċ Izzo reġa’ pprova t-tliet skemi ta’ man ups li t-team ipprepara għal din il-kompetizzjoni, sistemi li sfortunatament mhux qed ikunu efettivi.

Konfermata ntant l-aħbar li l-player ta’ San Ġiljan Dino Zammit se jitlef l-aħħar żewġ logħbiet ta’ dan il-kampjonat wara li qala’ spalltu fl-ewwel sessjoni kontra Franza.

Il-Ħadd fit-3pm issa kontra l-Islovakkja li fi Grupp D tilfu wkoll it-tliet logħbiet tagħhom 12-6 kontra r-Russja, 9-5 kontra r-Rumanija u 13-5 kontra s-Serbia.

L-Islovakki huma rrankjati aħjar minn Malta fir-Rankings tal-LEN u jidħlu għal dan il-konfront kontra Malta b’16 -il goal skorjat u 34 goal kontra minn 3 logħbiet. Filwaqt li t-team Malta f’96 minuta ta’ logħob skorja 15 -il goal u sofra 50.

TVM ħa l-kummenti ta’ Anthony Farrugia Assistant kowċ u tal-goalkeeper Nicky Grixti lejliet ir-raba’ logħba f’dan il-kampjonat.

Malta – Slovakkja għall-klassfikazzjoni mit-13 -il post ‘il quddiem il-Ħadd fit-3pm b’xandira diretta fuq TVM2.

Miktub minn...
TVM Sport
.
Aħbarijiet Oħra
Waterpolo

Il-Kampjonat BOV tal-Water Polo tax-Xitwa 2019 se jibda fit-22 ta’ Marzu b’sitt timijiet jikkompetu fil-BOV Premier Division u 5 timijiet li jikkompetu għat-titlu tal-Ewwel Diviżjoni. Il-poloz ittellgħu waqt konferenza tal-aħbarijiet…

Waterpolo

It-team nazzjonali Malti tal-Waterpolo illum se jkun impenjat f’logħba oħra tar-rawnd Preliminari tal-World League tal-FINA kontra l-Ġermanja. Mil-logħbiet preċedenti Malta tilfet il-logħbiet kollha b’dawn l-iskors: 18-5 kontra r-Russja, 23-9 kontra l-Ġermanja,…

Waterpolo

Dik li lbieraħ kellha tkun logħba waterpolo mill-Kampjonat Super League fir-Russja bejn Sintez Kazan u Spartak Volgograd, intemmet fi ġlieda boxing ‘free for all’ u farsa sħiħa għal dawk l-ispettaturi…

Waterpolo

Waterpolo: Illum it-tieni round tal-Kompetizzjoni Enemed Cup 2019. Sirens 14 – Exiles 5. Sessjonijiet kollha favur it-team minn San Pawl il-Baħar 4-0, 3-0, 2-2 u 5-3. Fit-Tieni logħba Sliema rebħa…

Aktar