Waterpolo
Waterpolo: It-Team Nazzjonali U15 jirbaħ kontra l-Ungerija fid-Darko Cukic Tournament
It-team Nazzjonali ta’ taħt il-15 -il sena rnexxielu jirbaħ l-aħħar logħba fid-Darko Cukic Tournament li kien qed isir fis-Serbja.
It-team Nazzjonali malti ta’ din il-kategorija mmexxi mill-kowċ Anthony Farrugia rebaħ il-logħba għad-disa’ post kontra l-Ungerija bl-iskor ta’ 8-7 f’logħba mill-isbaħ u li ġiet deċiża fl-aħħar sessjoni li l-Maltin rebħu 3-1.
Għal Malta f’dan il-konfront skorja erba’ goals Jake Muscat, tnejn Seb Stellini u goal kull wieħed Nico Schiavone u Gianni Farrugia.
Din kienet it-tielet rebħa f’dan it-Tournament għat-team Malti wara rebħiet fil-fażi tal-gruppi kontra l-Islovakkja u l-Olanda.