Waterpolo
Waterpolo: Kampjonat Nazzjonali tas-Sajf bla barranin

Minkejja li ebda deċiżjoni għadha ma ttieħdet dwar il-kontinwazzjoni tal-Enemed Cup u l-bidu tal-kampjonat tax-Xitwa u dak tas-Sajf jidher li hemm qbil bejn il-Clubs kollha tal-waterpolo li l-kampjonat tas-Sajf ikun pospost b’tal-inqas xahar.

F’Intervista illum ma’ TVM Sport il-President tal-ASA Joe Caruana Curran qal li bħalissa qed ikunu studjati x-xenarji kollha possibli sabiex meta l-awtoritajiet tas-Saħħa jagħtu l-kunsens li l-attivitajiet sportivi jistgħu jkomplu l-ASA tkun lesta tagħmel dan. Kollox qed jindika li hekk kif terġa’ tiftaħ il-Pixxina Nazzjonali it-teams se jkunu qed jingħataw xhar ċans għat-taħriġ qabel ma’ jkunu nvoluti fl-ewwel fixtures tal-kampjonat tas-Sajf. Fl-Intervista Caruana Curran iddikjara li hemm qbil mal-Clubs li għall-kampjonat tas-Sajf għal din is-sena biss se jsir mingħajr il-players barranin.

Dwar il-kampjonat tax-Xitwa TVM Sports jifhem li dan jista’ jintlgħab fuq format differenti f’perjodu iqsar possibilment f’Ottubru. Dwar l-Enemed Cup din hija l-inqas problema għaliex din il-kompetizzjoni fadlilha biss żewġ logħbiet għal kull team biex tiġi fi tmiemha.

 

Miktub minn...
TVM Sport
.
Aħbarijiet Oħra
Waterpolo

Tħabbret il-mewt ta’ Victor Cachia eks referee internazzjonali Malti tal-waterpolo. Cachia beda jikkontrolla logħbiet tal-ogħla diviżjoni fil-kampjonat Malti fl-1970 fejn kien kunsidrat l-aqwa referee ta’ dak iż-żmien bil-maġġoranza tal-logħbiet li…

Għawm

Hekk kif mil-lum uffiċjalment ġew illaxkati xi miżuri għat-taħriġ ta’ Sport outdoor, TVM Sport jista’ jikkonferma li l-għawwiema u l-players tal-waterpolo jistgħu jibdew jitħarrġu fil-Pixxina tal-Qroqq minn nhar it-Tnejn hekk…

Għawm

L-Assoċjazzjoni tal-Isport Akwatiku l-ASA fi stqarrija qed tagħmel appell lill-awtoritajiet tas-Saħħa sabiex hekk kif se jiġu rilaxxati aktar miżuri fosthom bil-ftuħ ta’ aktar attivita’ kummerċjali bħal restaurants, nail technicians u…

Aktar