Waterpolo
Waterpolo: Malta titlef 8-4 kontra s-Slovakkja

KAMPJONAT EWROPEW LEN 2020

Slovakkja……8

Malta…………4

(3-1), (2-1), (1-2), (2-0)

Telfa ta’ 8-4 għat-team Nazjonali Malti tal-Waterpolo hekk kif fir-raba’ logħba ta’ dan il-kampjonat il-Maltin affrontaw l-iSlovakkja għal-logħba għall-aċċess fil-finali tat-13 -il post. Wara tliet telfiet fil-fażi tal-gruppi il-players affrontaw dan il-konfront bl-aħjar mod li setgħu.

Telfa li ma tħammarx wiċċ il-players Maltin anzi telfa li waslet f’partita b’wirja qalbiena sabiex b’hekk nistgħu ngħidu li l-players pattew bil-kbir għar-riżultat negattiv ta’ kontra l-Ungerija.

Kontra l-iSlovakkja l-Maltin kellhom lil Stevie Camilleri bl-aħjar wirja tiegħu sa issa hekk kif skorja l-erba’ goals tal-Maltin minn disa’ okażjonijiet ta’ skor li kellu perċentwal ta’ preċiżjoni personali ta’ 44%.

L-ewwel sessjoni tlifniha 3-1 filwaqt li t-tieni sessjoni tlifniha wkoll 2-1 bi Stevie Camilleri f’din is-sessjoni jiskorja t-tieni goal personali minn penalty u jagħmel l-iskor sa dak il-ħin ta’ 4-2 iżda s-sessjoni għalqet b’goal ieħor Slovakk skorjat minn Maros  Tkac għal 5-2 parzjali.

Fit-tielet sessjoni rajna l-aħjar tal-Maltin b’żewġ goals oħra ta’ Stevie Camilleri li minn 6-2 minn taħt ġabu d-diskatkk biss ta’ żewġ goals meta skorja il-goal tas-6-3 u dak tas-6-4 sabiex it-team daħal jistrieħ qabel l-aħħar sessjoni b’moral għoli u l-pressjoni kollha fuq l-Islovakki.

Iżda żewġ goals fil-bidu tar-raba’ sessjoni qatawlna saqajna meta l-aħjar player tagħhom Juraj Zatovic u Martin Kolarik skorjaw żewġ goals oħra għal 8-4 minn hemm tliet okkażjonijiet oħra ta’ man up fl-ilma għall-Malta li ma ġewx sfruttati tajjeb. B’kollox tul l-erba’ sessjonijiet il-Maltin kellhom seba’ okażjonijiet ta’ raġel iktar fl-ilma li minnhom skorjajna wieħed biss.

Għall-Islovakki t-tmien goals tagħhom ġew skorjati minn Juraj Zatovic 4, u goal kull wieħed minn Marek Molnar, Maros Tkac, Martin Kolarik u Samuel Balaz.

Issa il-players jikkonċentraw fuq l-aħħar logħba dik ta’ nhar l-Erbgħa fl-10am għall-15 u s-16 -il post kontra l-Olanda li tilfu 9-8 kontra Franza. Din se tkun l-ewel darba li Malta u l-OLanda se jiltqgħu kontra xulxin fil-kampjonati Ewropej.

 

 

 

Miktub minn...
TVM Sport
.
Aħbarijiet Oħra
Waterpolo

Tħabbret il-mewt ta’ Tibro Benedek, ex plejer ta’ Sliema fl-2006 u tat-tim nazzjonali tal-Ungerija. Hu kellu 47 sena u l-familja tiegħu qalu li Benedek miet minħabba marda serja li ħakmitu…

Waterpolo

Tħabbret il-mewt ta’ Victor Cachia eks referee internazzjonali Malti tal-waterpolo. Cachia beda jikkontrolla logħbiet tal-ogħla diviżjoni fil-kampjonat Malti fl-1970 fejn kien kunsidrat l-aqwa referee ta’ dak iż-żmien bil-maġġoranza tal-logħbiet li…

Għawm

Hekk kif mil-lum uffiċjalment ġew illaxkati xi miżuri għat-taħriġ ta’ Sport outdoor, TVM Sport jista’ jikkonferma li l-għawwiema u l-players tal-waterpolo jistgħu jibdew jitħarrġu fil-Pixxina tal-Qroqq minn nhar it-Tnejn hekk…

Aktar