Waterpolo
Waterpolo: Marsaskala jegħlbu lil Otters u Birżebbuġa jirbħu lil Ta’ Xbiex

Fi programm ta’ żewġ logħbiet mill-Kampjonat BOV tal-Ewwel Diviżjoni, rebħiet għal Marsaskala u Birżebbuġa fil-partiti rispettivi tagħhom.

Marsaskala Fish & Fish 18  Otters Nivea 13

Marsaskala ma tilfux sessjoni waħda fil-logħba kontra Otters meta rebħuha bil-punteġġ ta’ 18-13. L-ewwel sessjoni spiċċat fi dro ta’ 4-4, imma minn hemm ‘il quddiem Marsaskala ħadu r-riedni f’idejhom u rebħu t-tliet sessjonijiet ta’ wara 3-2, 5-4 u 6-3. Konstantin Averka skorja 8 gowls għal Marsaskala u b’hekk kien l-aqwa skorer għalihom filwaqt li Milos Filipovic skorja 5 għal Otters.

 

Birżebbuġa Freeport 18  Ta’ Xbiex Amigos 17

F’logħba oħra missielta, Birżebbuġa skurjaw gowl aktar mill-avversarji biex rebħu lil Ta’ Xbiex 18-17. Birżebbuġa fetħu tajjeb u rebħu l-ewwel sessjoni 5-2, imma fit-tieni sessjoni Ta’ Xbiex naqqsu d-distakk meta rebħuha 3-1. Birżebbuġa rebħu t-tielet sessjoni 3-2 biex b’hekk għamlu ċert li f’logħba sħiħa qatt ma kienu fl-iżvantaġġ, bl-aħħar sessjoni tintemm 4-2 favur Ta’ Xbiex. Antun Goreta kien il-plejer li l-aktar skorja gowls għal Birżebbuġa, 4, filwaqt li għal Ta’ Xbiex Nenad Kacar u Niccolo Gitto skurjaw 4 kull wieħed.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Waterpolo

L-Ungerija huma ċ-champions Ewropej meta fil-finali li ntlagħbet illejla u li xxandret dirett fuq TVM2, huma għelbu lil Spanja bl-għoti tal-penalties wara erba’ sessjonijiet spettakolari fejn ir-riżultat intemm 9-9. Iż-żewġ…

Waterpolo

Il-finali tal-kampjonat Ewropew tal-waterpolo tal-Len 2020 se tixxandar diretta llejla fuq TVM2 fis-19.00 b’kummentarju ta’ Sandro Micallef. Il-finali se tintlagħab bejn l-Ungerija, li ospitaw dawn il-kampjonati u Spanja. It-tim nazzjonali…

Waterpolo

KAMPJONAT EWROPEW LEN 2020 Malta ………9 Olanda……19 (2-5), (2-5), (2-4), (3-5) Telfa fil-ħames u l-aħħar logħba għat-team Nazzjonali Malti tal-waterpolo fl-34 edizzjoni tal-kampjonat tal-LEN f’Budapest. Logħba li l-Maltin kien qed…

Aktar