Waterpolo
Waterpolo: Neptunes u Birżebbuġa rebbieħa fil-Cross Overs

Fil-Cross Overs li ntlagħbu t-Tlieta filgħaxija, rebħiet għal Neptunes Leo Vegas u Birżebbuġa Freeport.

Exiles Elia Caterers 10  Neptunes Leo Vegas 15

Neptunes skurjaw ħames gowls aktar mill-avversarji f’logħba li produċiet 25 gowl u rebħu bl-iskor ta’ 15-10. Neptunes rebħu tliet sessjonijiet u f’oħra ġew draw, bl-ewwel waħda jirbħuha 5-2 u t-tieni waħda 4-3. Fit-tielet sessjoni, Exiles irnexxilhom iżommu draw 3-3, imma fir-raba’ u l-aħħar sessjoni, Neptunes rebħuha 3-2. L-aqwa skorers għal Exiles kienu Marko Jelaca u Milos Vukicevic li skurjaw tnejn kull wieħed. Għal Neptunes, Jordan Camilleri kien l-aħjar skorer b’4 gowls.

 

Ta’ Xbiex Amigos 12  Birżebbuġa Freeport 15

F’logħba missielta sat-tmiem, Birżebbuġa għelbu lil Ta’ Xbiex bl-iskor ta’ 15-12. Kienu Ta’ Xbiex li rebħu l-ewwel sessjoni 3-2, b’Birżebbuġa jirrispondu fit-tieni waħda u jirbħuha bi skor identiku biex parzjalment l-iskor kien 5-5. Fit-tielet sessjoni, il-waħda deċiżiva, Birżebbuġa rebħu 5-2, biex fir-raba’ u l-aħħar sessjoni kienu maqsuma 10 gowls, ħamsa fuq kull naħa għal riżultat finali ta’ 15-12. L-aqwa skorer għal Ta’ Xbiex kien Nenad Kacar li skorja 6 gowls, filwaqt li għal Birżebbuġa Antonio Petkovic skorja ħamsa.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Waterpolo

Tħabbret il-mewt ta’ Victor Cachia eks referee internazzjonali Malti tal-waterpolo. Cachia beda jikkontrolla logħbiet tal-ogħla diviżjoni fil-kampjonat Malti fl-1970 fejn kien kunsidrat l-aqwa referee ta’ dak iż-żmien bil-maġġoranza tal-logħbiet li…

Għawm

Hekk kif mil-lum uffiċjalment ġew illaxkati xi miżuri għat-taħriġ ta’ Sport outdoor, TVM Sport jista’ jikkonferma li l-għawwiema u l-players tal-waterpolo jistgħu jibdew jitħarrġu fil-Pixxina tal-Qroqq minn nhar it-Tnejn hekk…

Għawm

L-Assoċjazzjoni tal-Isport Akwatiku l-ASA fi stqarrija qed tagħmel appell lill-awtoritajiet tas-Saħħa sabiex hekk kif se jiġu rilaxxati aktar miżuri fosthom bil-ftuħ ta’ aktar attivita’ kummerċjali bħal restaurants, nail technicians u…

Aktar