Waterpolo
Waterpolo: San Ġiljan jirbħu l-Enemed Cup 2019

ENEMED CUP 2019 FINALI

Sirens Greentube…………..5

San Ġiljan TUM Invest……8

(1-1), (2-2), (1-2), (1-3)

San Ġiljan rebħu t-Tazza Enemed għat-tieni sena konsekuttiva hekk kif fil-finali tat-Tlieta filgħodu huma rebħu kontra Sirens bl-iskor ta’ 8-5. Kienet finali missielta ferm b’Sirens jagħtu sfida sal-aħħar lil San Ġiljan bil-Ġiljaniżi jirnexxielhom jassiguraw ruħhom mir-rebħa fl-aħħar sessjoni biss.

Logħba kbira għal Sirens għal darb’oħra għall-goalkeeper Nicky Grixti li jinsab f’vena mil-aqwa u Edward Aquilina li skorja żewġ goals iżda tkeċċa lejn nofs it-tielet sessjoni u kien forsi hemm it-turning point tal-logħba għaliex in-nuqqas tiegħu fl-ilma għat-team minn San Pawl il-Baħar inħass ferm.

It-tmien goals ta’ San Ġiljan f’din il-finali skorjawhom erba’ Matthew Zammit wieħed minnhom minn penalty, tnejn għal Ben Plumpton u goal kull wieħed għal Dino Zammit u Paul Fava. Il-ħames goals ta’ Sirens kienu skorjati minn Edward Aquilina tnejn għalih u goal kull wieħed minn Isiah Riolo, Luke Caruana u Matthew Sciberras.

Fil-logħba l-oħra għat-tielet post Neptunes Leo Vegas rebħu 14-8 kontra Sliema Frank Salt Real Estate.

Miktub minn...
TVM Sport
.
Aħbarijiet Oħra
Waterpolo

Jerome Gabarretta ta’ Sliema ASC huwa l-BOV Plejer tax-xahar tal-Water Polo għal Ġunju 2019. L-attakkant ta’ 29 sena iddistingwa ruħu matul l-4 logħbiet ta’ Sliema matul ix-xahar ta’ Ġunju b’mhux…

Waterpolo

Fiż-żewġ logħbiet li ntlagħbu t-Tlieta filgħaxija fil-Pixxina Nazzjonali f’Tal-Qroqq, Marsaskala Fish & Fish u Marsaxlokk Browns ħarġu rebbieħa fil-logħbiet rispettivi tagħhom tal-Cross Overs 2019. Ta’ Xbiex Amigos 9  Marsaskala Fish…

Għawm

Illejla fuq TVM2 jixxandar il-ħames programm mis-sensiela Swim Up. Bil-kampjonat tal-waterpolo wieqaf fi tmiem il-ġimgħa minħabba l-kampjonat nazzjonali tal-għawm, il-programm se janaliżża l-andament tal-kampjonat sa issa u l-potenzjal ta’ kull…

Aktar