Waterpolo
Waterpolo: San Ġiljan u Sirens jirbħu fil-Kampjonat BOV Premier

San Ġiljan Tum Invest 18  Marsaxlokk Browns 12

L-ewwel u t-tielet sessjoni kienu importanti ħafna għal San Ġiljan għax permezz tal-vantaġġ li tellgħu f’dawn iż-żewġ sessjonijiet ħarġu rebbieħa fuq l-avversarji. Il-Ġiljaniżi fetħu tajjeb tant li l-ewwel sessjoni rebħuha 6-3. Fit-tieni sessjoni Marsaxlokk wettqu reazzjoni u rebħuha 4-2, avolja l-Ixlukkajri baqgħu minn taħt. Fit-tielet sessjoni San Ġiljan kabbru l-vantaġġ meta spiċċaw bi skor ta’ 5-1, bir-raba’ u l-aħħar sessjoni tintemm 5-4.

Niksa Dobud u Matthew Zammit kienu l-aħjar skorer għall-Ġiljaniżi meta skurjaw sitta kull wieħed, filwaqt li fuq in-naħa l-oħra Ivan Nagaev ukoll skorja sitta għal Marsaxlokk.

 

Sirens Greentube 17  Exiles Elia Caterers 13

Sirens fetħu vantaġġ komdu ħafna fl-ewwel tliet sessjonijiet tal-logħba, tant li għalkemm tilfu l-aħħar sessjoni dan ma nkwetahomx għaliex xorta spiċċaw il-konfront b’4 gowls distakk. Sirens rebħu l-ewwel tliet sessjonijiet 5-4, 4-2 u 7-2, bir-raba’ u l-aħħar sessjoni jirbħuha Exiles 5-1. L-aħjar skorer għal Sirens kien Christian Presciutti li skorja ħames gowls, filwaqt li għal Exiles Marko Jelaca, Timothy Sullivan u Milos Vukicevic skurjaw tlieta kull wieħed.

 

Intant, l-Erbgħa jkomplu l-playoffs tal-Kampjonat BOV tal-Ewwel Diviżjoni meta fis-18:15 jerġgħu jiltaqgħu Otters Nivea u Marsaskala Fish & Fish, filwaqt li fis-19:30 it-tielet logħba playoff bejn Ta’ Xbiex Amigos u Birżebbuġa Freeport.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Sport Lokali

Waterpolo LEN Euro cup 2019 : Hekk kif il-bieraħ fil-Pixxina Nazzjonali tal-Qroqq is-selezzjoni Maltija taħt l-isem ta’ Valletta Waterpolo Club tilfu bl-iskor ta’ 13 bi 8 kontra Posilipo, illum it-tim…

Waterpolo

Il-Malta Waterpolo Referees Association ikkritikat dak li sejħet in-nuqqas ta’ fiduċja li l-club tal-waterpolo ta’ Sliema wera fl-istess assoċjazzjoni: sal-punt li l-club talab li l-partiti deċiżivi tal-kampjonat premier tas-sajf tal-waterpolo…

Waterpolo

Neptunes huma ċ-Champions tal-Waterpolo dan wara li fit-tieni play off tal-Kampjonat Premier tal-Waterpolo huma għelbu lil Sliema 14-10 L-ewwel sessjoni ntrebħet minn Sliema bl-iskor ta’ 4-2 b’Neptunes jirbħu t-tieni waħda…

Waterpolo

Waterpolo: Wara li t-team ta’ San Ġiljan kellu kampjonat diżappuntanti – tant li falla milli jakkwista post fil-finali hekk kif tilef kontra Sliema 10-9 fil-logħba deċiżiva, kienet ikkonfermata r-riżenja tal-President…

Aktar