Futbol internazzjonali
Wesley Sneijder jirtira mill-futbol

Il-plejer Wesley Sneijder irtira mill-futbol wara 17-il sena. Il-plejer Olandiż li l-aktar li libes il-flokk tat-tim nazzjonali ħabbar li ser jieqaf mill-futbol it-Tnejn. Sneijder li għandu 35 sena lagħab 134 darba għall-Olanda, u l-aħbar li ser jirtira ta fuq il-kanal personali tiegħu ta’ YouTube.

Wesley Sneijder kellu karriera tajba ħafna. B’suċċessi ma’ Real Madrid, Inter u Galatassary, Sneijder rebaħ iċ-Champions League flimkien mal-kampjonati domestiċi ta’ Spanja u l-Italja. Barra minn hekk, ħa anke l-midalja tal-fidda fit-Tazza tad-Dinja mal-Olanda, meta fil-finali tal-edizzjoni tal-2010 kienu tilfu kontra Spanja. Sneijder kien diġa’ rtira mill-futbol internazzjonali s-sena li għaddiet.

L-aħħar tim li lagħab miegħu Sneijder kien Al Gharafa mill-Qatar.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA