Snooker
World Snooker Federation – Adam Stefanow l-ewwel finalista

Is-Seed Numru 1 Adam Stefanów tal-Polonja, li aktar kmieni fil-kompetizzjoni elimina lill-Malti Duncan Bezzina, huwa l-ewwel finalista tat-Tournament Mixed Gender fil-kampjonati inawgurali tad-dinja għall-amateurs li qed ikunu organizzati hawn Malta mill-World Snooker Federation.

Fl-ewwel semifinali fuq l-aqwa minn seba’ frames, Stefanów għeleb lill-Iżlandiż Kristján Helgason 4-3 f’konfront li dam għaddej siegħa u ħamsin minuta.

Fid-9pm tibda t-tieni semifinali bejn il-Pollakk Kacper Filipiak u Luo Honghao taċ-Ċina. Is-semifinali tista’ tiġi segwita bil-live streaming fuq tvm.com.mt/sport u mill-10 ‘l quddiem diretta wkoll fuq TVM2.

Il-finali fuq ħdax-il frame, li wkoll se tixxandar diretta fuq TVM2 u bl-istreaming, hija skedata għal għada filgħodu fil-11, bit-tieni sessjoni għat-3 ta’ waranofsinhar.

Ir-rebbieħ se jieħu d-dar miegħu l-ewwel premju ta’ €10,000 kif ukoll id-dritt li għas-sentejn li ġejjin jilgħab fit-tour professjonali dinji tas-snooker.

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Snooker

Duncan Bezzina ħuwa ċ-Champion Nazzjonali tas-Snooker ta’ dan l-istaġun meta fil-finali għeleb lil Aaron Busutill bil-punteġġ ta’ 6 frames kontra 4, finali fuq l-aħjar minn 11 -il frame. F’din il-finali,…

Snooker

Judd Trump għeleb lil John Higgins b’punteġġ ta’ 18-9 fil-finali tal-bieraħ filgħaxija li ntlagħbet f’Sheffield biex għall-ewwel darba fil-karriera rebaħ il-kampjonat mondjaloi u sar Champion tad-Dinja. Il-finali qed tkun meqjusa…

Aktar