Snooker
World Snooker Federation: L-ewwel kampjonat dinji f’Malta jibda għada l-Erbgħa

Il-Malta Billiards and Snooker Federation se jospitaw l-ewwel kampjonat dinji tal-World Snooker Federation fid-Dolmen Hotel f’Bugibba.

Waqt konferenza tal-aħbarijiet, li saret ilbieraħ filgħaxija, il-President tal-MBSA Frans Bugeja qal li kien ta’ unur li l-assoċjazzjoni Maltija se tkun qed tospita dan il-kampjonat li mhux biss ser jagħti flus bħala premju iżda wkoll jagħti opportunita lir-rebbieħ u l-finalista li jipparteċipa għal sentejn fit-Tour Prinċipali tal-isnooker.

Il-kampjonati se jibdew nhar l-Erbgħa 14 ta’ Marzu u se jintemmu fl-24 ta’ Marzu. 180 plejer minn 25 pajjiż differenti se jkunu qed jieħdu sehem f’ diversi kategoriji fosthom il-kategorija tan-Nisa, il-kategorija Over 40’s u l-kategorija Mħallta.

Il-main table tat-tournament se tixxandar dirett dejjem fuq tvm.com.mt u ammont konsiderevoli ta’ sigħat li wkoll jixxandru fuq TVM2.

L-avveniment se jintlagħab fuq 14-il mejda. Malta se tkun qed tipparteċipa fil-kategoriji tal-Anzjani u Mħallta.

L-avveniment se jkun sponsorjat mill-Oracle Casino li hija sussidjarja tad-Dolmen Hotel.

Is-Segretarju Parlamentari għaż-Żgħażagħ, Sport u Għaqdiet tal-Volontarjat Clifton Grima qal li l-gvern hu mpenjat li jgħin lill-assoċjazzjonijiet bħall-MBSA minħabba li avvenimenti bħal dawn jgħinu lit-turiżmu sportive f’Malta. Huwa wera wkoll li fil-futur qarib, Malta se jkollha l-Akkademja tas-Snooker tagħha stess.

Preżenti għall-konferenza tal-aħbarijiet kienu membri eżekuttivi tal-WSF, Nigel Mawer, il-viċi-president, u Maxim Cassis, is-segretarju ġenerali.

Miktub minn...
TVM Sport
Aħbarijiet Oħra
Snooker

Snooker: It-tieni ranking tournament tas-snooker organizzat mill-MBSA li ntlagħab fl-Akkademja tas-Snooker il-Ħamrun intrebaħ minn Alex Borg li fil-finali għeleb lil Duncan Bezzina bil-punteġġ ta’ 5 frames kontra 4. L-aħjar break…

Snooker

Ronnie O’Sullivan, ilbieraħ filgħaxija, sar l-ewwel plejer fl-Istorja mondjali tal-isnooker li għamel 1,000 brejk ċentinajru. O’Sullivan għamel dan fl-aħħar frame tal-finali Players Championship kontra Neil Roberston tal-Awstralja. Malta kellha sehem…

Snooker

L-avventura tal-plejers Maltin fil-kampjonati Ewropej fl-Iżrael waqfet fil-fażi ta’ mal-aħħar 32. Dan wara li t-tliet plejers li kienu għadhom fl-azzjoni, Alex Borg, Brian Cini u Aaron Busuttil sfaw eliminati. Brain…

Aktar