Futbol lokali
FILMAT: Zamble jerġa’ jkun determinanti għal Senglea

KAMPJONAT BOV PREMIER 2019/20

Senglea Athletic………………2

Mosta……………………………..1

Gowl tas-sostitut Wilfried Zamble f’nofs it-tieni taqsima ta lit-tim mill-Kottonera Senglea rebħa fuq il-Mosta bl-iskor ta’ 2-1. Il-logħba kienet mill-iktar bilanċjata b’Senglea xi ftit aħjar fl-ewwel taqsima u l-Mostin ikunu aħjar fit-tieni parti, fejn forsi riżultat ta’ draw kien ikun iktar ġust.

Wara ftit minuti kien Jallow li falla bir-ras għal Mosta mill-viċin u fuq in-naħa l-oħra xutt sabiħ fil-baxxa ta’ Marukawa ġiegħel lil Vella jsalva b’diffikulta.

Fis-17-il minuta Mosta fetħu l-iskor meta pass preċiż ta’ Muchardi ġab lil Kotlov waħdu u dan bil-kalma kollha għeleb lil Curmi b’xutt fil-baxx.

Senglea kellhom reazzjoni tajba u fil-25 minuta freekick ta’ Virano kien salvat mill-goalkeeper u fl-34 minuta Senglea kisbu draw meritat meta Taisei Marukawa rċieva ballun mil-lemin u wara li dar ma’ difensur skorja bi ġmiel ta’ xutt għar-rokna tax-xibka.

Kif bdiet it-tieni taqsima xutt bomba ta’ Morisco kien salvat minn Curmi u fil-55 minuta azzjoni bejn Murga u Kotlov li qassam lejn Gomes li x-xutt tiegħu kien imblukkat minn Todorovic kważi minn fuq il-linja.

Fis-66 minuta azzjoni oħra ta’ Mosta bix-xutt ta’ Murga salvat minn Curmi, biex tliet minuti wara Senglea fil-vantaġġ meta is-sostitut Wilfred Zamble daħal tajjeb għal ballun fit-tul u għeleb lil Vella b’lob preċiż.

Għaxar minuti mit-tmiem azzjoni tajba ta’ Jan Tanti u xutt li jmur ftit għoli u fit-83 minuta ċans tad-deheb għal Mosta iżda Zachary Brincat xeħet ftit għoli minn qagħda tajba. Ħames minuti wara Mosta għal darb’oħra viċin il-gowl tad-draw meta daqqa ta’ ras ta’ Tyrone Farrugia kienet imblukkata minn fuq il-linja minn Mano Micallef.

Ikkontrolla l-logħba r-referee Slobodan Petrovic u l-plejer tal-logħba kien il-Ġappuniż ta’ Senglea Taisei Marukawa.

Miktub minn...
robert busuttil
Ġurnalist ta' TVM Sport. Isegwi l-Isport lokali u internazzjonali. JIkkumenta l-logħob tal-kampjonat Premier. Jippreżenta programm sportiv fuq radju tal-komunita'.
Aħbarijiet Oħra
Futbol lokali

F’intervista ma’ TVMSport li se tixxandar illejla, Victor Sciriha kkonferma li se jibqa’ President ta’ Valletta FC u mhux se jkun qed jitlaq il-kariga qabel ma fi kliemu jara “li…

Futbol lokali

Il-Gozo Football Association ippreżentat it-tazza ta’ champions tal-BOV Gozo Football League 2019/20 lil Nadur Youngsters f’ċeremonja qasira. Din il-preżentazzjoni setgħet issir wara li l-kunsill tal-Malta Football Association ikkonferma d-deċizjoni tal-Gozo…

Futbol lokali

F’kitba li tella’ fuq il-profil tiegħu ta’ facebook ftit tal-ħin ilu, Paul Zammit, ħabbar li m’għadux kowċ ta’ Gżira United. Zammit qal li wara diskussjonijiet mal-President Sharlon Pace, intlaħaq qbil…

Futbol lokali

L-ex plejer nazzjonali Noel Turner inħatar Direttur Tekniku tal-Youths ta’ Sliema Wanderers FC. Turner hu ex plejer u captain ta’ Sliema Wanderers FC li magħhom rebaħ kull unur possibbli fil-futbol…

Aktar