L-Għarusa – It-Tieni Staġun

L-Istorja tkompli mill-ewwel, l-għada tal-ballu bil-maskri, u insegwu ir-reazzjonijiet għal dak kollu li ġara.  Fosthom dik ta’ Arturo li issa jħossu imkisser bir-realta li għandu quddiemu għal dak li hu jħoss li huwa tradiment lejn il-familja ta’ bintu Bettina.  Għal Diego u Bettina l-affarijiet mhux ħa jkunu faċli mill-llum il-quddiem anke għaliex kull wieħed qed issib ruħu jiġġieled il-battalji personali tiegħu u mhux biss jiġġieled biex iżomm ħajja din ir-relazzjoni.  Septa difficilment titkellem fuq dak li taf dwar il-passat ta’ Diego, imma tagħtih biżżejjed x’jifhem biex iżommu viċin tagħha b’xi mod.

Fid-dar Gauci Fontana qed joqrob is-sajf u miegħu jaslu l-mistiednin Carlotta u Enrico, il-kuġini minn Sqalija u magħhom iġibu xebgħa nkwiet.  Mill-banda l-oħra, Fenech Lauri, li issa m’għadux imexxi l-indaġni fuq il-każ tal-qtil ta’ Bettina, detterminat ikompli ix-xoghol waħdu jew aħjar b’xi ftit għajnuna minn ibnu Karm.  Il-każ issa jgħaddi taħt ‘Abela’,  imma in-nuqqas ta’ kunfidenza ta’ dan taf ixxekel xi ftit l-indaġini jew forsi titfa’ dawl fuq elementi ġodda li jafu jkunu strumentali biex sa’ fl-aħħar nifhmu min kien tassew responsabli għal mewt ta’ Bettina.  Imma donnu il-karba tal-libsa tat-tieġ tal-vittma għada tidwi fil present hekk kif Liz u Alan jiskopru xi ħaġa li ilha mistura fil-libsa u lesta tixhed dak li taf fuq din l-istorja u sidha.

IRREĠISTRA biex tirċievi l-aħħar aġġornamenti minn TVM

IRREĠISTRA HAWN