Il-kliem jirrakkuntawlek stejjer ma’ jispiċċaw qatt. Bejn l-erba’ ħitan tal-Arkivji Nutarili, id-dokumenti jiġmgħu numru infinit ta’ stejjer personali mifruxin fuq sitt mitt sena storja ta’ Malta. F’ġabra estensiva ta’ aktar minn 20,000 volum, l-Arkivji Nutarili jaħżnu testmenti, ftehimiet ta’ doti, bejgħ ta’ proprjetà inklużi binjiet u skjavi, kif ukoll ittri intimi.
Skritt ibexxaq tieqa fuq dawn l-istejjer imgħoddija li jinsabu mistura, miktuba f’dawn il-volumi, li jerġgħu jingħataw il-ħajja biex l-udjenzi jkunu jistgħu jesperjenzawhom.
