Umani

UMANI, bi produzzjoni u preżentazzjoni tal-ġurnalista ta’ TVM Maria Muscat, għandu l-għan li jwassal messaġġ ta’ tama u kuraġġ permezz tal-istejjer ta’ persuni li ġejjin minn aspetti differenti tal-ħajja. UMANI jippreżenta stejjer ta’ persuni li minkejja l-isfidi fil-ħajja tagħhom, irnexxielhom jegħlbuhom u llum qegħdin jagħtu l-kuraġġ u s-saħħa lill-oħrajn biex jagħmlu l-istess. UMANI għandu l-għan li jwassal messaġġ qawwi li l-akbar glorja tagħna mhix li qatt ma naqgħu, iżda li wara kull waqgħa nqumu aktar b’saħħitna.

Episode #10

UMANI tal-lum jitratta l-istorja iebsa ta’ Fleur Marie Cilia Buckett. Fleur kellha u għad għandha ħajja diffiċli ħafna. Ta’ 17-il sena tilfet lill-ommha minħabba l-kanċer. Ftit tas-snin wara tilfet lill-oħtha tlett snin iżgħar minnha ukoll minħabba l-kanċer, u fl-istess waqt li kienet marida oħtha, mardet hi bil-kanċer ukoll. Ftit tax-xhur ilu, Fleur tilfet lil missierha u għalhekk spiċċat waħidha. UMANI jitratta din l-istorja ta’ emozzjoni, iżda wkoll juri l-kuraġġ, u anki l-pożittivita’ enormi li għandha din il-mara. UMANI bi produzzjoni u preżentazzjoni ta’ Maria Muscat u direzzjoi ta’ Lizio Farrugia.

Ixxandar: 8 ta' Diċembru 2018
Numru ta' jiem li fadallu fis-sit: 24 ġurnata
30 minuta

IRREĠISTRA biex tirċievi l-aħħar aġġornamenti minn TVM

IRREĠISTRA HAWN